«Ռեալ Մադրիդի» ֆուտբոլիստները Վինիսիուսին են համարում իրենց լիդերը, այլ ոչ թե Մբապեին

Մամուլում կրկին լուրեր են հայտնվել «Ռեալ Մադրիդում» լարված մթնոլորտի մասին: Ըստ Madrid Universal-ի, հարձակվող Կիլիան Մբապեն դժվարություններ է ունենում թիմի ներսում. նա հաճախ իրեն մեկուսացված է զգում, ինչը նկատելի է նույնիսկ խաղադաշտում։

Ըստ euro-football.ru-ի, ավելին, աղբյուրը հաղորդում է, որ «Ռեալ Մադրիդի» խաղացողները իրենց առաջնորդը համարում են Վինիսիուս Ժունիորին, այլ ոչ թե ֆրանսիացուն։ Մարզիչ Ալվարո Արբելոան կարողացել է դրական դինամիկա ստեղծել Մբապեի վնասվածքի պատճառով բացակայության ընթացքում։ Վինիսիուսը լրացուցիչ պատասխանատվություն է ստանձնել  և թիմակիցներին իր շուրջը համախմբել, ինչը Կիլիանը երբեք չէր կարողացել անել Իսպանիայի մայրաքաղաքում անցկացրած ժամանակ։