Ի՞նչ ուտել լավ, միատոն ու առաձգական մաշկ ունենալու համար

Սննդակարգը կարող է ազդել հորմոնալ հավասարակշռության և մաշկի առողջության վրա: Հակաօքսիդանտներով, օմեգա-3 ճարպաթթուներով, մանրաթելերով և վիտամիններով հարուստ սննդակարգը իսկապես հավասարակշռված է:

Սա նվազեցնում է հորմոնալ կտրուկ տատանումների, մասնավորապես՝ ինսուլինի, ռիսկը, ինչը նշանակում է, որ մաշկը կարող է ավելի հեշտությամբ պահպանել հավասար երանգ, ամրություն և առողջ տեսք:

Եվ հակառակը, վատ ընտրված սնունդը կարող է հանգեցնել հորմոնալ անհավասարակշռության և մաշկի, ինչպես նաև մազերի վատ վիճակին: Արագ ածխաջրերի՝ քաղցրավենիքի, թխվածքաբլիթների և արագ սննդի չափազանց օգտագործումը առաջացնում է ինսուլինի կտրուկ աճ: Դրա հետևանքով ճարպի արտադրությունն ավելանում է, մաշկն ավելի հակված է դառնում բորբոքման։

Ալկոհոլը և կոֆեին պարունակող ըմպելիքները նույնպես ազդում են օրգանիզմի ընդհանուր առողջության վրա. դրանք կարող են բարձրացնել կորտիզոլի մակարդակը և լրացուցիչ ծանրաբեռնել լյարդին։ Սա նաև ազդում է մաշկի վրա՝ դրա գույնի և կառուցվածքի փոփոխություն, ինչի հետևանքով մաշկը դառնում է չոր կամ հակառակը՝ յուղոտ։

Հետևաբար, կարևոր է իմանալ, թե որ սննդամթերքներն են խորհուրդ տրվում առողջ մաշկի և հորմոնալ հավասարակշռության համար: «Լենտա.ռու»-ն թվարկում է մի քանի առողջարար սննդամթերք, որոնք բարելավում են մաշկը և հորմոնները.

Ավոկադո

Ավոկադոն հարուստ է առողջարար ճարպերով, որոնք բարենպաստ ազդեցություն ունեն օրգանիզմի, այդ թվում՝ մաշկի վրա: Հետազոտողները պարզել են, որ այս միրգը սննդակարգում ներառելը կարող է բարելավել դեմքի մաշկի առաձգականությունն ու ամրությունը:

Սաղմոն

Սաղմոնը մաշկի մեկ այլ հիանալի աղբյուր է:  Այն հարուստ է օմեգա-3 ճարպերով, որոնք օգնում են պահպանել մաշկի ամրությունը, առաձգականությունը և խոնավությունը: Ձուկը նաև պարունակում է վիտամին E:

Հատապտուղներ

Մանր հատապտուղները (ելակ, բալ, ազնվամորի, հապալաս և սև հաղարջ) հարուստ են C վիտամինով և հակաօքսիդանտներով, որոնք սնուցում և հարթեցնում են մաշկը: Այս սննդարար նյութերը պարունակվում են նաև բուլղարական պղպեղի, կիվիի և բրոկկոլիի մեջ:

Կանաչ տերևներ (սպանախ, կաղամբ)

Սպանախը պրովիտամին A-ի, վիտամին C-ի, սիլիկոնի, երկաթի և մանգանի աղբյուր է։ Կաղամբը ցածր կալորիականությամբ սուպերսնունդ է, որը հարուստ է վիտամիններով և հանքանյութերով։ Այն պարունակում է A, B6, C և K վիտամիններ, ինչպես նաև մանգան, կալցիում, պղինձ, կալիում, մագնեզիում և մանրաթել։ Այն արժե ավելի հաճախ ներառել ձեր սննդակարգում։

Ավելին, կաղամբը պարունակում է հակաօքսիդանտներ, որոնք օգնում են նվազեցնել պիգմենտացիան և հավասարեցնել մաշկի երանգը։ Վիտամին C-ն նպաստում է կոլագենի ձևավորմանը, ինչը նպաստում է ակնեի  ավելի արագ ապաքինմանը։

Ընկույզ և սերմեր

Ընդեղենը, ինչպիսին է օրինակ ընկույզը, պարունակում են մեծ քանակությամբ օմեգա-3 ճարպաթթուներ, վիտամին E, ցինկ և սպիտակուց։

Սերմերը (հատկապես դդմի և կտավատի սերմերը) պարունակում են մեծ քանակությամբ ինչպես մոնոչհագեցած, այնպես էլ օմեգա-6 ճարպաթթուներ։ Հետևաբար, դրանք կարող են օգնել նվազեցնել բորբոքումը և խոլեստերինի մակարդակը։

Ձու

Մաշկի առողջության համար մեկ այլ կարևոր սննդային տարր է ձուն։ Դրանք վիտամին A, B վիտամինների, ցինկի, սպիտակուցի աղբյուր են։ Այս համադրությունն օգնում է պահպանել մաշկի առաձգականությունը, խտությունը և առողջ տեսքը։