Բասկետբոլի Հայաստանի ազգային հավաքականն այլ մրցակից կունենա ԱՄՆ-ում

Փոխվել է բասկետբոլի Հայաստանի ազգային հավաքականի մրցակիցն ԱՄՆ-ում կայանալիք խաղում: Այս մասին հաղորդում է Հայաստանի բասկետբոլի ֆեդերացիան:

Ժամանակացույցում տեղի ունեցած փոփոխության պատճառով հունիսի 27-ին մեր ընտրանին ընկերական խաղում կմրցի Իռլանդիայի, ոչ թե Պանամայի հավաքականի հետ:
Հանդիպումը տեղի կունենա Լոս Անջելեսում:

Այսպիսով, 2023 թվականի հիշարժան դիմակայությունից հետո, որում Հայաստանը իռլանդացիների նկատմամբ հաղթանակ է տարել 92-91 հաշվով, թիմերը կրկին կհանդիպեն միմյանց։