Հակակոռուպցիոն կոմիտեի հաղորդագրությունների թիրախը քաղաքական հակաքարոզչությունն է. Փաստաբան

«Թեև իրավական համակարգը մասնակիորեն անում են իրենց լիազորությունների գործառույթները, բայց եթե ամբողջությամբ մեջ նայենք, տեսնում ենք, որ մեդիա կոմունիկացիան ակնհայտ քաղաքականացված է»,- «Կոռուպցիան նախընտրական փուլում» խորագրով աշխատաժողովին ասաց փաստաբան Հովհաննես Խուդոյանը։

Նա ընդգծեց, որ Հակակոռուպցիոն  կոմիտեի հաղորդագրությունները շատ խնդրահարույց են։

«Մենք տեսնում ենք՝ շատ կարճ պաշտոնական ինֆորմացիային փոխարինելու է  գալիս մոնտաժի  հնարքներով, ռեժիսորական լուծումներով ինչ-որ տեսանյութեր, որոնք հատկապես թիրախավորում են ընտրություններին մասնակցող ուժերին, հասկանում ենք, որ թիրախը թերևս իրենց օրենքով ունեցած պարտականությունները չեն, թիրախը հանրությանն իրազեկելը չէ հանցագործությունների կանխման վերաբերյալը, թիրախը քաղաքական հակաքարոզչությունն է»,- ասաց Հ.Խուդոյանը։ 

Նա կոչ արեց օրենքով նախատեսված լիազորությունների հաշվետվողականության համար սահմանափակվել չոր, պաշտոնական տեքստով, դադարել քաղաքական հակաքարոզչությունն իշխանության ընդդիմախոսների նկատմամբ։

Մանրամասն՝ տեսանյութում։