Ամենից շատ կարդացված նյութեր
.jpg "«Հրապարակ». Սկսել են ցուցակագրել զինծառայողներին")
«Հրապարակ» թերթը գրում է.
«Զինված ուժերում, մեր տեղեկություններով, սկսել են ցուցակագրել ծառայողներին` ըստ իրենց բնակության վայրերի, և զգուշացրել են, որ անխտիր ստուգելու են՝ նրանք և իրենց ընտանիքի անդամները մասնակցե՞լ են արդյոք հունիսի 7-ի ընտրություններին։ Այս փաստը դժգոհությունների ալիք է բարձրացրել, քանի որ չեղարկել են նաև այդ օրերի համար գրանցած արձակուրդները։ Հատուկ զգուշացրել-սպառնացել են՝ ընտրության չմասնակցողների և իրենց ընտանիքների համար վատ է լինելու։
Մեր աղբյուրի փոխանցմամբ՝ այս պահի դրությամբ դեռ չեն ասել, թե ում պետք է ընտրել, սակայն դա առանց ասելու էլ պարզ է։ Պարզ չէ մի բան` եթե մարդիկ գնան ընտրության, իշխանությունն ի՞նչ երաշխիք ունի, որ իրենց են ընտրելու, այլ ոչ թե ընդդիմությանը: Մարդիկ առաջվա պես միամիտ չեն, որ մտածեն, թե գաղտնի տեսախցիկներով հետևելու են իրենց և պարզելու են, թե ում ընտրեց քվեախցիկ մտած պետական ծառայողը»։
Մանրամասները թերթի այսօրվա համարում։
Studio One