Սալահը կարող է շարունակել կարիերան Իտալիայում

Հարձակվող Մոհամեդ Սալահը կհեռանա «Լիվերպուլից» ընթացիկ մրցաշրջանի ավարտից հետո՝ ազատ գործակալի կարգավիճակով: Speedline-ի տվյալներով, «Յուվենտուսը» քննարկում է եգիպտացու տրանսֆերը ձեռք բերելու հարցը:

euro-football.ru-ի հաղորդմամբ, թուրինյան ակումբը մտադիր է ուժեղացնել իր հարձակման գիծը մինչև հաջորդ մրցաշրջանի սկիզբը: Իտալական թիմի գլխավոր մարզիչ Լուչիանո Սպալետին Սալահին համարում է լավագույն տարբերակներից մեկը՝ թիմին որակ հաղորդելու համար:

Մոհամեդ Սալահը «Լիվերպուլ» է տեղափոխվել «Ռոմայից» 2017 թվականին՝ 42 միլիոն եվրոյի դիմաց: Այս մրցաշրջանում հարձակվողը «կարմիրների» կազմում անցկացրել է 40 խաղ բոլոր մրցաշարերում՝ խփելով 12 գոլ և կատարելով ինը գոլային փոխանցում: