Օրական որքան ջուր պետք է խմել

Կա պարզ բանաձև։ Սննդաբան և բժշկական գիտությունների դոկտոր Դարիա Ռուսակովան մանրամասն ներկայացրել է, թե ինչպես ճիշտ հաշվարկել ջրի օրական քանակը։

«Օգտագործվող բանաձևը 30 մլ ջուր է 1 կգ մարմնի իդեալական քաշի համար։ Այլ կերպ ասած, եթե մարդը ավելորդ քաշ ունի, ընդունումը հաշվարկվում է նրա իդեալական քաշի, այլ ոչ թե իրական քաշի հիման վրա», - URA.RU-ի հետ զույցում բացատրում է փորձագետը։

Նա նշել է,  որ երեխաների ջրի պահանջը ավելի բարձր է՝ իրենց օրգանիզմում ջրի ավելի բարձր տոկոսի և արագ նյութափոխանակության պատճառով: Եվ հակառակը, տարեց մարդիկ հաճախ տարիքի հետ ծարավի նվազում են զգում:

«Հետևաբար, 18- 64 տարեկան տղամարդկանց համար խորհուրդ տրվող օրական ընդունումը միջինում 1.3-2.2 լիտր է, մինչդեռ 65 տարեկանից բարձր տղամարդկանց համար ջրի օրական ընդունումը մոտավորապես 1.5 լիտր է:

18-64 տարեկան կանայք պետք է խմեն 1.0-1.8 լիտր, իսկ 60 տարեկանից բարձր կանայք՝ 1.1-1.2 լիտր: Սրանք Սպառողների իրավունքների պաշտպանության և մարդու բարեկեցության վերահսկողության դաշնային ծառայության պաշտոնական տվյալներն են», - բացատրել է Ռուսակովան:

Պետք է ավելի շատ ջուր խմել ֆիզիկական ակտիվության ժամանակ, շոգ եղանակին, ջեռուցվող սենյակներում, բարձր սպիտակուցային սննդակարգի դեպքում, ինչպես նաև կոֆեին և ալկոհոլ օգտագործելիս: Հիվանդության ժամանակ ջուր խմելու կարիքը մեծանում է մոտավորապես 10%-ով՝ ջերմաստիճանի բարձրացման յուրաքանչյուր աստիճանի հետ: Հղի կանայք օրական լրացուցիչ 300 մլ պահանջ են ունենում, իսկ կրծքով կերակրող կանայք՝ մինչև 1 լիտր։

«Կարելի է հասկանալ նաև մեզի գույնից, թե արդյոք բավարար քանակությամբ ջուր եք ստացել. բաց ծղոտագույնը նորմալ է: Ձեր մեզի քանակը պետք է լինի օրական առնվազն 1 լիտր»,- մանրամասեն է բժիշկը։