Փաշինյանը մյուս կողմից՝ ժողովրդի թիկունքում նախապատրաստում է ադրբեջանցիների «ռազմական զբոսաշրջությունը» Հայաստանում. Ուժեղ Հայաստան

«Փաշինյանը հաստատեց, որ Հայաստան է բերելու 300,000 ադրբեջանցի։ Այսօր մենք բոլորս համոզվեցինք դրա մեջ։ Ճշմարտությունն արդեն բացահայտվել է»,-ֆեյսբուքյան պաշտոնական էջում հայտնում է «Ուժեղ Հայաստանը»։

Մայիսի 21-ին Փաշինյանը հայտարարում էր, որ որևէ ադրբեջանցի չի գալու Հայաստան, և նա դա երաշխավորում էր։ Սակայն այսօր նա արդեն հայտարարում է, որ ադրբեջանցիներ գալու են իբրև թե «զբոսաշրջիկի» կարգավիճակով։ Նա կարծում է, թե հայ ժողովուրդը միամիտ է։

Մի կողմից նա ժողովրդին վախեցնում է պատերազմով և ռազմական շքերթ կազմակերպում, մյուս կողմից՝ ժողովրդի թիկունքում նախապատրաստում է ադրբեջանցիների «ռազմական զբոսաշրջությունը» Հայաստանում։ Դուք կարող եք կանխել 300,000 ադրբեջանցու մուտքը Հայաստան։