Ամենից շատ կարդացված նյութեր
.png "Թուրքիայի ԱԳՆ-ն հայտնել է Սև ծովում իր նավի վրա ԱԹՍ-ի հարձակման մասին")
Թուրքիայի ԱԳՆ-ն հայտնել է Սև ծովում իր նավի վրա ԱԹՍ-ի հարձակման մասին
Թուրքիայի ԱԳՆ-ն հայտնել է Սև ծովում թուրք սեփականատիրոջ նավի վրա անօդաչու թռչող սարքի հարձակման մասին, ինչի հետևանքով վիրավորներ են գրանցվել։ Անկարան կողմերին է փոխանցել տարածաշրջանում լարվածության սրման վերաբերյալ իր մտահոգությունները։
«Հաղորդվել է, որ նախորդ օրը երեկոյան (մայիսի 28-ին) Վանուատուի դրոշի ներքո նավարկող, թուրք սեփականատիրոջը պատկանող և Օդեսայի (Ուկրաինա) նավահանգստից Թուրքիա չոր բեռ տեղափոխող նավը ենթարկվել է անօդաչու թռչող սարքի հարձակման, որի հետևանքով անձնակազմի երկու քաղաքացիներ թեթև վնասվածքներ են ստացել»,-ասվում է հայտարարության մեջ։
Օդեսայում գլխավոր հյուպատոսությունը ուշադիր հետևում է նավի վրա գտնվող Թուրքիայի քաղաքացիների վիճակին, պարզաբանել է Արտաքին գործերի նախարարությունը։
«Մեր մտահոգությունները Սև ծովում ռազմական իրավիճակի վերջին սրման հետևանքով մեր տարածաշրջանին ներկայացվող ռիսկերի և սպառնալիքների վերաբերյալ, ինչպես նաև մեր երկրի համար հնարավոր բացասական հետևանքների վերաբերյալ մեր նախազգուշացումները փոխանցվում են բոլոր ներգրավված կողմերին՝ բոլոր մակարդակներում», - ասվում է հայտարարության մեջ։
Թուրքիայի արտաքին գործերի նախարարությունը կոչ է արել բոլոր շահագրգիռ կողմերին զերծ մնալ այնպիսի քայլերից, որոնք կարող են հանգեցնել հակամարտության անվերահսկելի սրման։
«Սև ծովում քաղաքացիական նավագնացության անվտանգությունն ապահովելու և պատերազմը բանակցությունների միջոցով դադարեցնելու վերաբերյալ, մեր կոչերը մնում են ուժի մեջ։ Մենք հիշեցնում ենք շահագրգիռ կողմերին մեր պատրաստակամության մասին՝ մշակելու տարածաշրջանային առումով համապատասխան և արդյունքների վրա կենտրոնացած միջոցներ՝ սրացումը կանխելու և խաղաղության գործընթացը արագացնելու համար», - պարզաբանել է Թուրքիայի արտաքին գործերի նախարարությունը։
Ռուսական կողմը չի մեկնաբանել Օդեսայի և Սև ծովի վրա հասցված այս հարվածները։
Studio One