Ներդրումներ կբերենք, որպեսզի Գյումրին դառնա միջազգային տուրիստական հանգույց. Սամվել Կարապետյան

«Գյումրին հայկական արժանապատվության, տոկունություն և անկոտորում կամքի մայրաքաղաքն է»,- Գյումրիում քարոզարշավի շրջանակում հանրահավաքի ժամանակ գյումրեցիներին ուղերձով դիմեց տնային կալանքում գտնվող «Ուժեղ Հայաստան» կուսակցության վարչապետի թեկնածու Սամվել Կարապետյանը։ 

Նա նշեց, որ իրենց նպատակն է վերջ տալ դատարկ խոստումների ժամանակաշրջանին և անցնել գործի, կառուցել ուժեղ Հայաստան։

«Գյումրին դարձնելու ենք արդյունաբերական, տեխնոլոգիական, արհեստագործական խոշոր կենտրոն, երիտասարդները չպետք է լքեն քաղաքն աշխատանք գտնելու համար։

Ներդրումներ ենք բերելու, որպեսզի Գյումրին դառնա միջազգային տուրիստական հանգույց տարեկան հարյուր հազարավոր հյուրերով։

Մենք գալիս ենք հզորացնելու, կառուցելու մի երկիր, որտեղ օրենքը հավասար է բոլորի համար, իսկ հայի արժանապատվությունն ու անվտանգություն սրբություն է»,- ասաց Ս. Կարապետյանը։ 

Սամվել Կարապետյանի ելույթն ամբողջությամբ՝ տեսանյութում։