8/24 տեղամասի հարակից տարածքում տեղի է ունեցել դանակահարություն․ ահազանգ դիտորդական առաքելությունից

«Ականատես» դիտորդական առաքելությունն ահազանգում է, որ 8/24 տեղամասի հարակից տարածքում տեղի է ունեցել դանակահարություն։

«Մեր դիտորդներն արձանագրել են արտակարգ դեպք 8/24 տեղամասի հարակից տարածքում։ Տեղի է ունեցել դանակահարություն։ Ականատեսը դեպքի վերաբերյալ տեղեկատվությունը և նյութերը փոխանցել է իրավապահ մարմիններին։ Դեռևս հնարավորություն չի եղել պարզել, թե արդյոք միջադեպը կապված է ընտրական գործընթացի հետ»,- նշված է հայտարարությունում։