Հանուն մեծ փոփոխության ու վերակառուցվող Հայաստանի. Նարեկ Կարապետյանը կատարեց իր ընտրությունը

«Քվեարկեցի հանուն մեծ փոփոխության, վերակառուցվող Հայաստանի, Հայաստանի, որտեղ հայերը հիմնականում զբաղված են իրենց երկիրը վերակառուցելով, ոչ թե իրենց վատություն անելով, կռվելով, հակադրվելով»,-Լոռու մարզի Տաշիր քաղաքի 25/25 տեղամասում քվեարկելու հետո լրագրողներին ասաց «Ուժեղ Հայաստան» դաշինքի ընտրական ցուցակը գլխավորող Նարեկ Կարապետյանը։

Ըստ նրա, պետք է սկսել միասին երկիրը դարձնել զարգացող երկիր, ոչ թե հակադրություններով զբաղվել ու  կյանքը դժվարացնել։

«Պետք է ստեղծենք այնպիսի ուժեղ երկիր, որ մյուս սերունդներն էլ ավելի ուժեղացնեն, ոչ թե նույն խնդրի առաջ կանեն»,- ասաց Նարեկ Կարապետյանը։ 

Նա կոչ արեց անպայման մասնակցել  ընտրության և մեծ փոփոխություններ բերել. «Եթե մեր քաղաքացիները ժամանակ չեն գտնում գնալ ընտրության, նրանց ճակատագիրը որոշվում է այլ ձև։ Եթե ուզում եք առաջիկա 5 տարվա ընթացքում ձեր, երկրի զարգացման ճակատագիրը որոշեք, գնացեք ընտրության, 10 րոպե է։ Այսօր մեր հասարակությունը մի կարևոր գործ ունի՝ անպայման մասնակցել ընտրության, իրենց ցանկությամբ կատարել ընտրություն»։ 

Մանրամասն՝ տեսանյութում։