Ինչ ուտել շոգ եղանակին

Շոգ եղանակին կարևոր է ոչ միայն ջուր խմել, այլև կարգավորել սննդակարգը: Բժիշկ փորձագետ Օլգա Ուլանկինան NEWS.ru-ի հետ զրույցում թվարկել է, թե ինչ սննդամթերքները կարող են օգնել պահպանել առողջությունը և լրացնել կորցրած էլեկտրոլիտները:

Մասնագետի խոսքով, շոգ եղանակին հատկապես օգտակար են հետևյալները.

• բանան

• չիր

• ընկույզ

• սեղանի հանքային ջուր

Այս սննդամթերքները օգնում են լրացնել էլեկտրոլիտների պակասը, որն առաջանում է ավելորդ քրտնարտադրության պատճառով։

Բժիշկը խորհուրդ է տալիս խուսափել սուրճից, ալկոհոլից և ծանր, ճարպոտ սննդից, որոնք բարձր ջերմաստիճանի դեպքում լրացուցիչ ծանրաբեռնվածություն են ստեղծում օրգանիզմի համար։

Բժիշկը նշել է, որ շոգ եղանակին օրվա ընթացքում կարևոր է հաճախակի և հավասարաչափ ջուր խմել, և, եթե հնարավոր է, բացօթյա գործունեությունը հետաձգել մինչև երեկո։ Եթե պետք է դուրս գաք արևի տակ, գլխարկ կրել և օգտագործել արևապաշտպանիչ քսուք։