Մեսսին Աշխարհի առաջնությունից առաջ հայտարարություն է արել

Արգենտինայի հավաքականի աստղ Լիոնել Մեսսին 2026 թվականի Աշխարհի առաջնությունից առաջ բնութագրել է ազգային հավաքականը։

«Մենք երբեք կանգ չենք առնում ճանապարհի կեսին։ Մեր թիմն արդեն ցույց է տվել դա տարբեր մրցակիցների դեմ։ Մենք հաղթողներ ենք և ցանկանում ենք հասնել միայն առավելագույնին։ Մենք կշարժվենք քայլ առ քայլ։ Մենք մեծ ոգևորություն ունենք», -euro-football.ru-ի հաղորդմամբ, Tyc Sports-ն է մեջբերել 38-ամյա հարձակվողի խոսքերը։

Աշխարհի առաջնությունը կանցկացվի Հյուսիսային Ամերիկայում հունիսի 11-ից հուլիսի 19-ը։ Հեղինակավոր մրցաշարի խմբային փուլում Արգենտինան կմրցի Հորդանանի, Ալժիրի և Ավստրիայի հետ։