Հատկապես ԽՍՀՄ փլուզումից հետո Արևմուտքը կորցրեց իր մշակույթի քրիստոնեական հիմքերը․ Վենս

ԱՄՆ փոխնախագահ Ջ.Դ. Վենսը կարծում է, որ Երկրորդ համաշխարհային պատերազմի ավարտից և հատկապես Խորհրդային Միության փլուզումից հետո արևմտյան երկրները կորցրել են իրենց մշակույթի և քաղաքակրթության քրիստոնեական հիմքերը, ըստ նրա նոր գրքի, գրում է ՌԻԱ Նովոստին։

Երեքշաբթի օրը վաճառքի է հանվել Վենսի երկրորդ գիրքը՝ «Հաղորդություն. հավատքին վերադառնալու ճանապարհ գտնելը»։ Այնտեղ փոխնախագահը պատմում է կաթոլիկություն ընդունելու իր մասին և կիսվում է հասարակության մեջ կրոնի դերի վերաբերյալ իր մտքերով։

«Հաջորդ տասնամյակներում, և հատկապես՝ Խորհրդային Միության փլուզումից հետո, մենք կորցրեցինք ինչ-որ սրբազան բան՝ հավատքը նահանջեց հասարակական կյանքից թե՛ Հյուսիսային Ամերիկայում, թե՛ Եվրոպայում։ Եվ քանի որ այդ ժառանգությունը թուլացավ, Արևմուտքը ոչ միայն դարձավ ավելի «չեզոք», այլև մոռացավ, թե ինչի համար էր հանդես գալիս»,- գրում է Վենսը՝ պատմելով 2024 թվականին Մյունխենի համաժողովին իր այցելության մասին։

Նրա կարծիքով՝ Արևմուտքի հոգևոր կյանքում քրիստոնեությունը փոխարինվել է աշխարհիկ լիբերալիզմով, որը պահպանում է մարդու իրավունքների գաղափարը, բայց մերժում է դրանց իմաստ տվող կրոնական հիմքը։

«Այս տղամարդիկ և կանայք հեռացրին Աստծուն իրենց հետպատերազմյան ուխտերից և դաշինքներից և զարմացան, թե ինչու է այդքան շատ բան կորել նրա հետ միասին», - նշել է Վենսը։