Ամենից շատ կարդացված նյութեր
.png "Թրամփը պնդում է, որ Իրանը «շատ մեծ զիջումներ» է անում ԱՄՆ-ին")
ԱՄՆ նախագահ Դոնալդ Թրամփը պնդում է, որ Իրանը «շատ մեծ զիջումների» է գնում Միացյալ Նահանգների հետ բանակցություններում։
«Իրանը շատ էական զիջումների է գնում։ Կտեսնենք, թե ինչ կլինի», - ասել է ամերիկացի առաջնորդը ԱՄՆ Կոնգրեսում լրագրողների հետ կարճատև հանդիպման ժամանակ։ Նա ժամանել է Կապիտոլիումի բլուր՝ Հանրապետական կուսակցության Սենատի խմբակցության ղեկավարության հետ հանդիպման, հիմնականում՝ նոյեմբերին կայանալիք միջանկյալ ընտրությունների նախապատրաստական աշխատանքները քննարկելու համար։
Այս ամսվա սկզբին Վաշինգտոնը և Թեհրանը ստորագրել են փոխըմբռնման հուշագիր, որը կոչ է անում անհապաղ դադարեցնել ռազմական գործողությունները բոլոր ճակատներում, այդ թվում՝ Լիբանանում։ Հունիսի 21-22-ին շվեյցարական Բյուրգենշտոկ հանգստավայրում Դոհայի և Իսլամաբադի միջնորդությամբ տեղի են ունեցել ԱՄՆ-Իրան բանակցություններ՝ հուշագիրը կյանքի կոչելու համար։
Ինչպես նշվել է Պակիստանի և Կատարի կողմից բանակցությունների առաջին փուլից հետո հրապարակված համատեղ հայտարարության մեջ, հանդիպումը, որին մասնակցել են Իրանի և ԱՄՆ-ի ներկայացուցիչները, անցել է դրական և կառուցողական մթնոլորտում, որտեղ ձեռք է բերվել խրախուսման ենթակա առաջընթաց, այդ թվում՝ հետագա տեխնիկական խորհրդակցությունների համար հիմքի ստեղծում։
Studio One