RBC. Որոշ հայկական բանկեր դադարեցրել են ռուսական ռուբլով կանխիկ գործարքները

ԵԱՏՄ անդամ մի քանի երկրներ հունիսց սկսած խստացրել են ռուսական ռուբլիով կանխիկ գործարքների պայմանները։ Այս մասին հայտնում է RBC-ն։ Օրինակ, առնվազն 8 բելառուսական բանկ, որոնք ներկայացնում են երկրում գործող բոլոր վարկային հաստատությունների 1/3-ից ավելին, արդեն իսկ 2-5% միջնորդավճար են սահմանել ոչ ռեզիդենտների ընթացիկ հաշիվներին կանխիկ ռուբլիներ մուտքագրելու համար։

Այդպես է վարվել նաև ղազախական «Центркредит» (БЦК) բանկը՝ սահմանելով 5 տոկոս միջնորդավճար ոչ ռեզիդենտների համար, որոնք կանխիկ ռուբլի են մուտքագրում դրամարկղերի, տերմինալների և բանկոմատների միջոցով։

Ղրղզստանի «ԷկոԻսլամական Բանկը» հայտարարել է, որ 5% վճար է սահմանել կանխիկ ռուբլիով մուտքագրման և SWIFT փոխանցումների համար:

Հայկական մի քանի բանկեր ամբողջությամբ դադարեցրել են ռուսական ռուբլով կանխիկ գործարքները, այդ թվում՝ հաշիվներին կատարված փոխանցումները, RBC -ին ասել է FTL Advisers-ի բանկային հարաբերությունների ղեկավար Օլգա Բուրցևան։

 «Ռուսական ռուբլով անկանխիկ գործարքները շարունակում են իրականացվել նույն պայմաններով, ինչ նախկինում, և սա հաստատում է, որ խնդիրը վերաբերում է միայն կանխիկին», -հավելել է նա։

Ո՛չ բելառուսական, ո՛չ ղազախական, ո՛չ էլ ղրղզական բանկերը պաշտոնապես չեն հայտարարել ռուսական անկանխիկ ռուբլու հետ կապված գործարքների վերաբերյալ որևէ սահմանափակման մասին։