Դատավոր Գարիկ Աբելյանը որոշեց 2 ամսով կալանավորել Գագիկ Ծառուկյանին

Դատավոր Գարիկ Աբելյանը որոշեց բավարարել ՔԿ միջնորդությունն ու 2 ամսով կալանավորել ԲՀԿ առաջնորդ, գործարար Գագիկ Ծառուկյանին։ 

Հիշեցնենք, որ քննչական կոմիտեն Գագիկ Ծառուկյանին  երկու ամսով կալանավորելու միջնորդություն էր ներկայացրել։ Միջնորդության քննությունը սկսվել է  այսօր առավոտյան։  Ծառուկյանը  ձերբակալվել է նախօրեին։ 

ՔԿ-ն երեկ տարածել էր հաղորդագրություն, ըստ որի, կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթներից մեկով փաստական տվյալներ են ձեռք բերվել այն մասին, որ Գ.Ծ.-ի կազմակերպմամբ մի շարք անձինք 2022-2024 թվականների ընթացքում առերևույթ կատարել են առանձնապես խոշոր չափերով խարդախություն և առանձնապես խոշոր չափերով փողերի լվացում: Ծառուկյանի փաստաբանը հայտարարել է, որ մեղադրանքներմ աբսուրդային ու ծիծաղելի են։