Կիևում հայտնաբերվել է Մոնակոյի шhшբեկչության մեջ կասկածվող կնոջ մшրմինը

Ուկրաինայի մայրաքաղաք Կիևի մոտակայքում հայտնաբերվել է ուկրաինացի կնոջ դի, որը կասկածվում է անցյալ շաբաթ Մոնակոյում Ուկրաինայում ծնված հարուստ գործարարի դեմ ուղղված հարձակում իրականացնելու մեջ։ Այս մասին հայտնում է Reuters-ը՝  վկայակոչելով «Ուկրաինսկա Պրավդա»-ին։

Իրավապահ մարմինները նշել են, որ կինը կրակոցներ է ստացել, և նրա մարմինը հայտնաբերվել է երեկ՝ տեղական ժամանակով ժամը 23:00-ի սահմաններում։

39-ամյա Անաստասիա Բերեզովսկան Ինտերպոլի կարմիր ծանուցագրում նշվել է որպես գլխավոր կասկածյալ, որում ասվում էր, որ նա ուկրաինացի է, խոսում է գերմաներեն և Մոնակոյի իշխանությունների կողմից հետախուզվում է սպանության փորձի, հանցավոր մտադրությամբ հասարակական վայրում պայթուցիկ սարք տեղադրելու և հանցավոր դավադրության համար։

Մոնակոյի դատախազի տեղակալը անցյալ շաբաթ հայտարարել էր, որ հարձակվողը ոտքով լքել է երկիրը և հասել Ֆրանսիա, այնուհետև մեքենայով փախել Գերմանիա՝ մի քանի եվրոպական երկրների, այդ թվում՝ Իտալիայի միջոցով։

Աղբյուրների փոխանցմամբ՝ Ուկրաինայում ծնված Վադիմ Երմոլաևը, նրա զուգընկերը և որդին վիրավորվել են անցյալ շաբաթ երկուշաբթի օրը տեղի ունեցած հարձակման ժամանակ։

«Ուկրաինսկա պրավդան», փոխանցմամբ՝ գործի կապակցությամբ արդեն ձերբակալվել են երկու կասկածյալներ։ Նրանցից մեկը Հետախուզության գլխավոր վարչության (ՀԳՎ) սպա է, իսկ մյուսը՝ իրավապահ մարմինների նախկին աշխատակից։ Ուկրաինայի ոստիկանությունը և HUR-ը անմիջապես չեն արձագանքել մեկնաբանության խնդրանքին:

Երմոլաևին Կիպրոսի քաղաքացիություն է շնորհվել 2019 թվականին, իսկ 2023 թվականին նրա նկատմամբ Ուկրաինայի պատժամիջոցներ են կիրառվել։ Ուկրաինական լրատվամիջոցները հայտնել են, որ դա արվել է Ռուսաստանի կողմից օկուպացված Ղրիմում բիզնեսով զբաղվելու համար։