Սիրիայում պшյթյnւն է որոտացել այն հյուրանոցի մոտ, որտեղ գիշերել է Մակրոնը. Ի՞նչ է հայտնի այս պահին

Այսօր Դամասկոսում պայթյուններ են որոտացել այն պահին, երբ Ֆրանսիայի նախագահ Էմանուել Մակրոնը պաշտոնական այցով գտնվում էր Սիրիայի մայրաքաղաքում և հանդիպում էր Սիրիայի նախագահ Ահմադ ալ-Շարաայի հետ։ Այս մասին հայտնում է France 24-ը։ 

Պայթյունների հետևանքով վիրավորվել է 18 մարդ, այդ թվում՝ չորս ոստիկան: Reuters-ի փոխանցմամբ՝ հայտնում են Սիրիայի պետական ​​լրատվամիջոցները։

Առաջին պայթյունը տեղի է ունեցել Մակրոնի ավտոշարասյան՝ նախագահական պալատ մեկնելուց անմիջապես հետո, իսկ երկրորդ պայթյունը որոտացել է դեպքի վայրում կայանված շտապօգնության մեքենայի կողքին, որտեղ հավաքվել էր մոտ երկու տասնյակ մարդ։ 

Ականատեսների փոխանցմամբ՝ ծուխ է բարձրացել «Four Seasons» հյուրանոցի մոտից, որտեղ գիշերել էր Ֆրանսիայի նախագահը․

Մակրոնը համարվում է Եվրամիության առաջին խոշոր առաջնորդը, որ  այցելել է Դամասկոս Սիրիայի նախկին նախագահ Բաշար ալ-Ասադի տապալումից հետո, պայթյունների պահին գտնվում էր նախագահական պալատում՝ ալ-Շարաայի հետ բանակցությունների ընթացքում։

Սիրիայի իշխանությունները միջադեպի վերաբերյալ անմիջապես մեկնաբանություն չեն տվել, սակայն Ֆրանսիայի նախագահի գրասենյակը հայտնել է, որ Մակրոնը անվտանգ է, և նրա այցը շարունակվում է։

Մայրաքաղաքի կենտրոնում տեղի ունեցած երկու պայթյունները եղել են պայթուցիկ սարքերի գործարկման հետևանքով։ Դեպքի վայրից բարձրացող խիտ ծուխը տեսանելի է եղել քաղաքի տարբեր հատվածներից։

Սոցիալական ցանցերում տարածված տեսանյութերում երևում են այրվող մեքենա, ինչպես նաև փողոցում արյան հետքեր։ Զոհերի և վիրավորների վերաբերյալ պաշտոնական տվյալներ դեռևս չեն հրապարակվել, իսկ որևէ խմբավորում պատասխանատվություն չի ստանձնել։

Միջադեպը տեղի է ունեցել Դամասկոսի Արդարադատության պալատի հարակից սրճարանում օրեր առաջ տեղի ունեցած պայթյունից հետո, որի հետևանքով զոհվել էր առնվազն 10, իսկ վիրավորվել՝ 20 մարդ։