Իրավապաշտպանները հայց են ներկայացրել ի պաշտպանություն կուբացի այլախոհ նկարչի

Կուբայում մարդու իրավունքների պաշտպանությամբ զբաղվող կազմակերպությունը պահանջում է տեղեկություններ այլախոհ նկարիչ Լուիս Մանուել Օտերո Ալկանտարայի գտնվելու վայրի մասին, որը ձերբակալվել էր 2021 թվականին կառավարության դեմ բողոքի ցույց անցկացնելուց հետո։ Այս մասին գրում է Եվրանյուզը։ 

Հաղորդվում է, որ հուլիսի 7-ին Պետական ​​անվտանգության աշխատակիցները նրան հեռացրել են Գուանաջայի բանտից: Ըստ որոշ տեղեկությունների, նա տարվել է անհայտ վայր, և նրա գտնվելու վայրը դեռևս անհայտ է։

Cubalex կազմակերպությունը, որը գործում է Կուբայից դուրս և իրավաբանական օգնություն է տրամադրում այլախոհներին, միջնորդություն է ներկայացրել՝ որպեսզի երաշխավորեն, որ  նկարչի ազատությունն անօրինական կերպով չի խլվել։

«Իրավասու դատական ​​մարմինները պարտավոր են արձագանքել օրենքով սահմանված 72 ժամվա ընթացքում», - ասվում է Cubalex-ի կողմից առցանց հրապարակված հայտարարության մեջ։

38-ամյա Ալկանտարան ձերբակալվել է 2021 թվականի հուլիսի 11-ին՝ երկրում էլեկտրաէներգիայի անջատումների դեմ զանգվածային բողոքի ցույցին մասնակցելու փորձի ժամանակ։ 2022 թվականին դատարանը նրան դատապարտել է հինգ տարվա ազատազրկման՝ հասարակական կարգը խախտելու, անհնազանդության և ազգային խորհրդանիշների նկատմամբ անհարգալից վերաբերմունքի մեղադրանքներով։

Այնպիսի կազմակերպություններ, ինչպիսին է «Amnesty International»-ը, Ալկանտարային ճանաչում են որպես քաղաքական բանտարկյալ։ Սակայն կղզու իշխանությունները հրաժարվում են ճանաչել այս կարգավիճակը։