ՌԴ Բելգորոդի մարզում ավտոբուսին ուկրաինական ԱԹՍ-ի հարվածից զոհվել է հինգ քաղաքացի

Բելգորոդի մարզի Շեբեկինո քաղաքում հինգ մարդ է զոհվել, 23-ը՝ վիրավորվել՝ Ուկրաինայի զինված ուժերի կողմից ուղևորատար ավտոբուսի վրա կատարված հարվածի հետևանքով, երկուշաբթի օրը հայտարարել է նահանգապետի պաշտոնակատար Ալեքսանդր Շուվաևը։

«Այս անմարդկային և վախկոտ հարձակման հետևանքով ստացած վնասվածքներից զոհվել են հինգ անմեղ քաղաքացիներ, այդ թվում՝ մեկ անչափահաս. չորս կին և մեկ պատանի»,-«ՌԻԱ նովոստի»-ի փոխանցմամբ, Max հարթակում գրել է Շուվաևը։

Նա հավելել է, որ վիրավորվել է 23 քաղաքացիական անձ, այդ թվում՝ մեկ դեռահաս։