ՍԼԱՎՈՆԱԿԱՆ ՀԱՄԱԼՍԱՐԱՆԻ ԱՌՋԵՎ 100 ԱՐԾԱԹԱՓԱՅԼ ԵՂԵՎՆԻ ՏՆԿՎԵՑ

Ռուս-հայկական (Սլավոնական) համալսարանի առջև այս օրերին 100 արծաթափայլ եղևնի է տնկվել: Այդ գեղեցիկ ծառատեսակի տնկիները համալսարանը նվեր է ստացել ՌԴ մայրաքաղաք Մոսկվայի քաղաքապետարանից ու կենտրոնական վարչական օկրուգից:

Ինչպես Panorama.am-ին հայտնեց համալսարանի մամուլի քարտուղար Ռոման Նադիրյանը, դենդրոլոգներն ու բուհի ուսանողները ծառերը տնկել են ՌՀՀ «Երախտագիտության պուրակում» և կրթօջախի շրջակայքում: Կազմակերպչական հարցերով ՌՀՀ պրոռեկտոր Արտավազդ Մելիքյանը նշել է, որ տնկիները մեծ դժվարությամբ են բերվել, Նալչիկից, իսկ ծառերի համար փոսերը փորվել և սևահողը լցվել է նախօրոք: