ՄԱՀԱՓՈ՞ՐՁ ԳԱԳԻԿ ԾԱՌՈՒԿՅԱՆԻ ԴԵՄ

Այսօրվա ասուլիսում «Ազգային միաբանություն» կուսակցության ղեկավար Արտաշես Գեղամյանը մի սենսացիոն հայտարարություն արեց «Բարգավաճ Հայաստան» կուսակցության ստեղծման նախադրյալների մասին:

«Այս կուսակցությունը ստեղծվել է մի իրավիճակում, երբ պարոն Գագիկ Ծառուկյանին հայտնի է դարձել, որ Սերժ Սարգսյանի հարազատների կողմից պատրաստվում է սպանություն, քիլլեր էր վարձվել, որ սպաներ Գ. Ծառուկյանին: Այս գործը բացահայտվել է:

Համենայն դեպս, համառորեն այդ լուրերը գնում էին: Այս ամենի մասին տեղեկացվել էր պարոն Քոչարյանը: Երբ տեղեկացվել էր պարոն Քոչարյանը, առերեսում էր տեղի ունեցել, որի արդյւոնքում հանգստի թոշակի գնաց Կառլոս Պետրոսյանը (ԱԱԾ նախկին պետ-թղթ.), որի արդյունքում շինարարական իր բիզնեսը Սաշիկ Սարգսյանը (Սերժ Սարգսյանի եղբայրը-թղթ.) սկսեց իրականացնել ԱՄՆ-ում»,- ասաց Ա. Գեղամյանը:

Այս հարցի վերաբերյալ կփորձենք կներկայացնել նաև «Բարգավաճ Հայաստան» կուսակցության պատասխանը: