ԴԱՍԵՐԸ ՄԻ ՄԱՐԶՈՒՄ ՍԿՍԵԼ ԵՆ, ՄԻ ՄԱՐԶՈՒՄ ԷԼ ՆՈՐ ՊԻՏԻ ՍԿՍԵՆ

Կրթության, գիտության նախարարի մամուլի քարտուղար Լիլիթ ԳԱԼՍՏՅԱՆԸ Panorama.am-ի թղթակցի հետ ունեցած զրույցում տեղեկացրեց, որ հանրապետության մի շարք մարզերում արդեն սկսել են ուսումնական պրոցեսը: Մասնավորապես Շիրակի, Սյունիքի մարզերում դասերը սկսվել են հունվարի 15-ից, Տավուշի եւ Լոռու մարզերում` հունվարի 8-ից:

Արագածոտնի մարզի որոշ դպրոցներում դասերն սկսվել են հունվարի 8-ից, իսկ որոշներում էլ կսկսվեն հունվարի 22-ից: Հունվարի 22-ից երեխաների առջեւ դպրոցի դռները կբացվեն նաեւ Արարատաի, Արմավիրի, Գեղարքունիքի, Կոտայքի եւ Վայոց ձորի մարզերում:

Ինչ վերաբերում է Երեւանի դպրոցներին, ապա Լ. Գալստյանը տեղեկացրեց, որ քաղաքի դպրոցներում քաղաքապետարանի կրթության վարչությունը հստակեցնում է իրավիճակը, որպեսզի պարզ լինի անհրաժե՞շտ է շարունակել արձակուրդը, թե՞ ոչ: