ԵՐԵՎԱՆԻ 48 ԴՊՐՈՑՆԵՐՈՒՄ ԴԱՍԵՐԸ ՍԿՍՎԵՑԻՆ

Մայրաքաղաքի 48 դպրոցներում այսօր սկսվել են դասերը: Այդ մասին մեզ հետ զրույցում վստահեցրեց քաղաքապետարանի կրթության վարչության պետի տեղակալ Արմինե Վարդանյանը:

Նրա խոսքով, քաղաքապետարանի ենթակայության տակ կա 205 դրպոց, այդ թվում` 5 արհեստագործական ուսումնարան, 10 հատուկ դպրոց` գիշերօթիկ, և 190 հանրակրթական դպրոց: Ընդ որում, այսօր հանրակրթական դպրոցներից բացի դասերը սկսվել են նաև 10-րդ հատուկ դպրոցում:

Նշենք, որ Երևանում լոկալ ջեռուցման համակարգ ունի 50 դպրոց, որոնցից երկուսում այժմ փորձարկվում են կաթսայատները և «կաշխատեն գուցե 1-2 օրից»,- ասաց Ա. Վարդանյանը, ավելացնելով, որ մնացած դպրոցներում դասերը կսկսվեն փետրվարի 1-ից: