ՎՐԱՑԻ ՏՆՕՐԵՆՆԵՐ` ՀԱՅԿԱԿԱՆ ԴՊՐՈՑՆԵՐԻՆ

Ախալքալակի հանրակրթական դպրոցների տնօրենների 94 թեկնածուներից տեստավորում անցել է միայն 9-ը, ընդ որում, մեկը հայ է, իսկ ութը` վրացի:

Համաձայն Bagin-ի հաղորդման, իրականություն է դարձել այն մտավախությունը, որ հայկական դպրոցները կունենան վրացի տնօրեններ: Այսպիսով տնօրեններին կնշանակեն ոչ թե դպրոցների հոգաբարձուների խորհուրդները, այլ Վրաստանի կրթության նախարարությունը:

Հայ թեկնածուները տեստավորումը չեն հանձնել վրացերենի չիմացության պատճառով: Շատերը դիմել են կրթության նախարարին` պահանջելով վերանայել տեստավորման արդյունքները: Իրավիճակում պարզություն կմտնի 2 շաբաթ անց, քանի որ բողոքարկման արդյունքները հայտնի կդառնան հենց այդ ժամանակ: