Ամենից շատ կարդացված նյութեր

13:41 22/03/2007

ԹՈՒՐՔԻԱ ԿՄԵԿՆԻ 6 ՀՈԳԱՆՈՑ ՀԱՅԿԱԿԱՆ ՊԱՏՎԻՐԱԿՈՒԹՅՈՒՆ

Արդեն հայտնի է պատվիրակության կազմը, որը կմասնակցի մարտի 29-ին կայանալիք Աղթամարի Սբ Խաչ եկեղեցու պաշտոնական բացման արարողությանը: Այս մասին այսօրվա ասուլիսում ասաց մշակույթի և երիտասարդության հարցերի նախարարության հասարակայնության հետ կապերի բաժնի պետ Գայանե Դուրգարյանը:

Նրա խոսքով, մշակույթի եւ երիտասարդության հարցերի փոխնախարար Գագիկ Գյուրջյանի գլխավորած պատվիրակության կազմում են ճարտարապետների միության նախագահ Մկրտիչ Մինասյանը, պատմության եւ մշակույթի հուշարձանների պահպանության գործակալության պետ Արտյոմ Գրիգորյանը, ԳԱԱ արեւելագիտության ինստիտուտի տնօրեն Ռուբեն ՍաՖրաստյանը, ԳԱԱ հնագիտության եւ ազգագրության ինստիտուտի տնօրեն Պավել Ավետիսյանը, ճարտարապետության դոկտոր Մուրադ Հասրաթյանը: Պատվիրակության մեկնելու օրը դեռեւս որոշված չէ:

Հիշեցնենք, որ վերանորոգումից հետո Թուրքիայի զբոսաշրջության եւ մշակույթի նախարարությունը բացման արարողությանը հրավիրել է նաեւ Հայաստանի պատվիրակությանը:

Placeholder