ՏՏ ՈԼՈՐՏԻՆ ՆՎԻՐՎԱԾ ՄԻԱՄՍՅԱԿ ԱՅՍ ՏԱՐԻ ՉԻ ԼԻՆԻ

Այս տարվա ընթացքում տեղեկատվական տեխնոլոգիաներին նվիրված միամսյակ, ի տարբերություն նախորդ տարվա, չի անցկացվի: Այս մասին այսօրվա ասուլիսում տեղեկացրեց վարչապետի` տեղեկատվական տեխնոլոգիաների գծով խորհրդական Արա Հակոբյանը: Պատճառն այն է, որ կառավարությունը չի ցանկանում կրկնել նույն միջոցառումները, որոնք տեղի են ունեցել նախորդ տարիներին:

«Մենք հավաքում ենք ՏՏ ոլորտի վերաբերյալ նախատեսված բոլոր միջոցառումները և, հաշվի առնելով նախորդ տարիների փորձը, ցանկանում ենք, որ այդ միջոցառումները լինեն համակարգված և անցկացվեն պետության հովանու ներքո»,-ասաց Ա. Հակոբյանը: