ԿԳ ՆԱԽԱՐԱՐԸ ՍՏՈՐԱԳՐԵԼ Է ՀՐԱՄԱՆ ԸՆՏՐՈՒԹՅՈՒՆՆԵՐԻ ՕՐՎԱ ՎԵՐԱԲԵՐՅԱԼ

Խորհրդարանական ընտրությունների անցկացման համար կրթության և գիտության նախարար Լևոն Մկրտչյանը ստորագրել է հրաման ուսումնական հաստատություններում դասերը կազմակերպելու մասին: Ինչպես տեղեկացանք ԿԳՆ մամուլի քարտուղար Լիլիթ Գալստյանից, մայիսի 12-ի ընտրությունների անցկացման համար հանրապետության բոլոր ուսումնական հաստատությունների տնօրենները պարտավոր են ապահովել անհրաժեշտ աշխատանքային պայմաններ ընտրական կենտրոնների և տեղամասային հանձնաժողովների համար սկսած մայիսի 11-ի առավոտյան ժամը 8:00-ից:

Նախարարի հրամանի համաձայն, ընտրությունների օրը դասացուցակով բաց թողնված դասերը պետք է լրացվեն մինչև այս ուսումնական տարվա վերջը: