ՕՍԿԱՆՅԱՆԸ ՄԵԿՆԵԼ Է ՍԱՆ ՖՐԱՆՑԻՍԿՈ

Վաղը արտգործնախարար Վարդան Օսկանյանը ելույթ կունենա Սան Ֆրանցիսկոյում ընթացող բարձր տեխնոլոգիաների ոլորտի հայկական առաջին միջազգային համաժողովում /ArmTech’07/: Ինչպես Panorama.am-ին հայտնեցին արտաքին գործերի նախարարության մամուլի և տեղեկատվության վարչությունից, նախարարը ԱՄՆ է մեկնել հուլիսի 5-ին:

Հիշեցնենք, որ համաժողովը բացվել է հուլիսի 4-ին և աշխատանքները կշարունակի մինչև հուլիսի 7-ը: Համաժողովի նպատակն է խթանել Հայաստանի արագորեն զարգացող բարձր տեխնոլոգիաների ոլորտի հետագա աճը, հայ մասնագետներին ընձեռել գործարար կապեր հաստատելու, ռեսուրսներ ստանալու, ինչպես նաև ոլորտում իրենց կողմից կատարված աշխատանքները ներկայացնելու հնարավորություններ: