ԱրմենՏելը տեղեկացնում է

Հուլիսի 18-ին ԱրմենՏելը ավարտեց շարժական կապի նոր բիլինգ համակարգի ներդրման գործընթացը, որի արդյունքում ընկերության կանխավճարային համակարգի բաժանորդները կօգտվեն շարժական կապի ծառայությունների լայն հնարավորություններից:

Հուլիսի 19-ից ԱրմենՏելի կանխավճարային համակարգի բաժանորդները կարող են ինքնուրույն կառավարել շարժական կապի ծառայությունները` իրենց բջջային հեռախոսից, ձայնային մենյուի օգնությամբ: Ծառայությունների կառավարման կենտրոնի օգնությամբ բաժանորդները կարող են` ակտիվացնել և ապաակտիվացնել ծառայությունները, փոփոխել սակագնային փաթեթը, ստանալ տեղեկատվություն միացված փաթեթի սակագների և ակտիվացրած ծառայությունների ցանկի վերաբերյալ և այլն:
Բաժանորդը կարող է մինալ ծառայությունների կառավարման կենտրոն` զանգահարելով 0674 կարճ համարին կամ նշված համարին ուղարկելով SMS հաղորդագրություն:

Կանխավճարային համակարգի բաժանորդները կարող են օգտվել հետևյալ ծառայություններից.
սակագնային փաթեթի փոփոխում, «Զանգահարողի համարի ներկայացում», «Զանգահարողի համարի ներկայացման արգելափակում» «Սիրելի համար», «Բազմաբաժանորդային կապ», ՙԶանգի վերահասցեավորում», «Զանգի պահում սպասում», «GPRS ծառայություններ» «Տվյալների և ֆաքսի փոխանցում», Ռոումինգ ծառայություն:
Մանրամասն տեղեկությունների համար զանգահարեք 0611 կարճ համարին կամ այցելեք ԱրմենՏելի կայքէջ` www.armentel.com.


Արմենիա Տելեֆոն Կոմպանի