ՍՓՅՈՒՌՔԱՀԱՅ ՈՒՍՈՒՑԻՉՆԵՐԸ ԻՐԱԶԵԿՎԵԼ ԵՆ ՄԵՐ ԵՐԿՐԻ ԱՐՏԱՔԻՆ ՔԱՂԱՔԱԿԱՆՈՒԹՅԱՆԸ

Հայկական բարեգործական ընդհանուր միության նախաձեռնությամբ Հայաստանում պրակտիկա են անցնում սփյուռքահայ մի խումբ ուսանողներ: Երեկ նրանց հետ է հանդիպել արտաքին գործերի փոխնախարար Արմեն Բայբուրդյանը: Փոխնախարարը ուսուցիչներին է ներկայացրել Հայաստանի արտաքին քաղաքականության առաջնահերթություններն ու հիմնական մարտահրավերները:

Հանգամանորեն խոսվել է նաեւ հարևան երկրների հետ Հայաստանի հարաբերությունների մասին` անդրադառնալով դեռևս չլուծված խնդիրներին եւ համագործակցության հեռանկարներին: Ուսուցիչները հետաքրքրվել են միջազգային կազմակերպություններում Հայաստանի ներգրավվածությամբ, երկրում իրականացվող ծրագրերի արդյունավետությամբ: Փոխնախարարի հետ քննարկել են նաև Հայաստանի կրթական համակարգին վերաբերող հարցեր: