ԲԵԼԱՌՈՒՍԸ ՀՐԱԺԱՐՎԵԼ Է ԱՇԽԱՐՀԻ ԵՐԿՐՆԵՐԻ ՄՍԻՑ, ԱՅԴ ԹՎՈՒՄ` ՀԱՅԱՍՏԱՆԻ

Բելառուսի գյուղատնտեսության նախարարության անասնաբուժության գլխավոր վարչությունը օգոստոսի 11-ից ժամանակավորապես արգելել է ավտոմեքենաներով միս ներկրել երկիր: Արգելքը վերաբերում է աշխարհի անխտիր բոլոր երկրներին, այդ թվում նաև Հայաստանին: Այդ երկրի ԳՆ անասնաբուժության գլխավոր վարչության այդ հրամանը պայմանավորված է տարբեր երկրներում անասունների շրջանում բռնկվող հիվանդություններով:

Հիշեցնենք, որ վերջին շրջանում շատ երկրներում անասունները վարակվել են աֆրիկյան ժանտախտով, թռչնային գրիպով և տարատեսակ այլ հիվանդություններով:

Բելոռուս այցելողներին Հայաստանում Բելոռուսի դեսպանատունը տարածած հաղորդագրությամբ զգուշացնում է, որ խնդիրներից խուսափելու համար խուսափեն մսամթերք տանել իրենց հետ: