ՇԵՆՔԻ ՆԿՈՒՂՈՒՄ ԶԻՆԱՄԹԵՐՔ Է ՀԱՅՏՆԱԲԵՐՎԵԼ

Երեկ ժամը 15.05-ին, Գյումրիի զինկոմիսարիատից տեղեկություն է ստացվել, որ շենքի նկուղային հարկում մաքրման աշխատանքներ կատարելիս հայտնաբերվել է զինամթերք: Ինչպես հաղորդում են Հայաստանի փրկարար ծառայության տեղեկատվության և հասարակայնության հետ կապերի բաժնից, դեպքի վայր է մեկնել Շիրակի մարզային փրկարարական վարչության փրկարար ջոկատը: Կազմակերպվել է զինկոմիսարիատի աշխատակիցների տարահանում:

Ժամը 15.12-ին դեպքի վայր մեկնած ՌԴ թիվ 102 բազայի սակրավորները 125 մմ-անոց ուսումնական արկը, ՊԳ-7Մ ականանետի մարտական ականը և թնդանոթի դատարկ լիցքավորիչը տեղափոխել են բազա` վնասազերծելու: