ԴՊՐՈՑԱԿԱՆ ԳՐՔԻ ՏԱՐԵԿԱՆ ՎԱՐՁԸ 300-400 ԴՐԱՄ Է

«Այս տարի` 2007-2008 ուսումնական տարում նույնպես, առաջին դասարանցիները, որպես նվեր անվճար կստանան դասագրքեր»,- ասուլիսի ժամանակ այսօր ասաց ԿԳՆ միջնակարգ կրթության վարչության պետ Նարինե Հովհաննիսյանը:

Նշենք, որ անվճար չեն լինի տարրական դասարանների օտար լեզվի և երգեցողություն առարկաների դասագրքերը: Մյուս դասարանների աշակերտները յուրաքանչյուր գրքի դիմաց պետք է վճարեն 300-400-ական դրամ: Վարչության պետի հավաստմամբ, դասագրքի «վարձը» որոշվում է նրա մաշվածության աստիճանով. յուրաքանչյուր դասագիրք դպրոցում օգտագործվում է 4 տարի և այդ ընթացքում պետք է իր «գինը հանի»:

«Յուրաքանչյուր տնօրեն պայմանագիր ունի կնքած Համաշխարհային բանկի հետ և այնտեղ փոխանցվող գումարը համարվում է դպրոցի բյուջե, որն էլ օգտագործվում է նոր գրքեր ձեռք բերելիս»,-գումարների հետագա ճակատագիրը նշեց նա: