ՎԻՐԱԺ ԼՈՋԻԿ. «IEEE ԱՐԵՎԵԼՔ-ԱՐԵՎՄՈՒՏՔ ՆԱԽԱԳԾՄԱՆ ԵՎ ԹԵՍՏԱՎՈՐՄԱՆ» ԿՈՆՖԵՐԱՆՍ ԵՐԵՎԱՆՈՒՄ

Երևանում սեպտեմբերի 7-ից 10-ը կկայանա «IEEE Արևելք-Արևմուտք Նախագծման և Թեստավորման» եռօրյա կոնֆերանսը, որի գլխավոր կազմակերպիչներից է Վիրաժ Լոջիկ կորպորացիան:

Ըստ կազմակերպիչների, կոնֆերանսը փորձի փոխանակման հնարավորություն է ընձեռում նախագծման ոլորտում իրենց գործունեությունը ծավալած Արևելյան և Արևմտյան Եվրոպայի, Հյուսիսային Ամերիկայի, ինչպես նաև աշխարհի այլ երկրների տեխնիկական աշխատողների և գիտնականների համար:

Միջոցառման նպատակն է` հետաքրքրել մասնակիցներին հատկապես Նորանկախ Պետություններից, Սև Ծովյան և Կենտրոնական Ասիայի երկրներից: Կոնֆերանսին կմասնակցեն աշխարհում ճանաչում ձեռք բերած 24 փորձագետներ, իսկ մասնակցման համար ներկայացվել է ավելի քան 150 հայտ` 25 երկրներից: Տեխնիկական ծրագրի մեջ են մտնում մի շարք համագումարներ և շնորհանդեսներ: