ԿԱՆԱԴԱԿԱՆ MACADAMIAN TECHNOLOGIES-Ը ՀԱՅԱՍՏԱՆՈՒՄ ՄԱՍՆԱՃՅՈՒՂ ԿՀԻՄՆԻ

Հայաստանում կանադական Macadamian Technologies ընկերությունը կհիմնի մասնաճյուղ-լաբորատորիա: Նախօրեին կանադական ընկերությունը պաշտոնապես հայտարարել է այդ մասին:
Ինչպես տեղեկացանք արտգործնախարարության մամուլի և տեղեկատվության վարչությունից, դրա վերաբերյալ արձանագրություն է ստորագրվել Օտտավայում գտնվող հայկական տեղեկատվական տեխնոլոգիաների ոլորտի ներկայացուցիչների պատվիրակության և կանադական խոշորագույն Macadamian Technologies ընկերության միջև: Հայաստանյան մասնաճյուղը, որն ընկերության երրորդ արտասահմանյան ստորաբաժանումն է, կենտրոնացած է լինելու շարժական տեխնոլոգիաների զարգացման վրա: