52 ՐՈՊԵԱՆՈՑ ՖԻԼՄ` ՕՀԱՆ ԴՈՒՐՅԱՆԻ ՄԱՍԻՆ

«Ստաս Նամինի Մշակույթի կենտրոն» պրոդյուսերական ստուդիան նկարահանել է «Օհան Դուրյան. խորը զգացմունքների մասնագիտություն» փաստագրական ֆիլմը: Այն նվիրված է մաեստրոյի կյանքին ու մշակութային գործունեությանը:
52 րոպեանոց կինոնկարը պայմանականորեն բաժանված է 6 մասի, որտեղ օգտագործված են Ռուզան Մայտեսյանի «Խոսող ձեռքեր» կենսագրական գրքի նյութերը: Ֆիլմում նրա մասին կարծիքներ են արտահայտում Վալերի Գերգիևը, Արմեն Ջիգարխանյանը, Տիգրան Մանսուրյանը, Մարկ Գորեինշտեյնը և մշակույթի այլ գործիչներ, որոնք համագործկցել կամ շփվել են մաեստրոյի հետ: Մի շարք լրատվամիջոցների հաղորդմամբ, ֆիլմը շուտով կցուցադրվի ռուսական «Կուլտուրա» հեռուստաալիքով:

Նշենք, որ սեպտեմբերի 8-ին մաեստրոն դարձավ 85 տարեկան: