ՓՈԽՎԱՐՉԱՊԵՏԸ ՊԱՏՐԱՍՏ Է ՔԱՂԱՔԱՑԻՆԵՐԻՆ ՄԵԾ ՆՎԵՐ ՄԱՏՈՒՑԵԼ

Խմբագրություն զանգահարած մի քանի քաղաքացիներ կրկին իրենց դժգոհությունն են հայտնում Երևանի կանաչապատ տարածքում կատարվող հերթական կանաչապատումից: Նրանց խոսքերով, «Հաղթանակ» զբոսայգուն (բոլորին հայտնի` Մոնումենտ) հարող տարածքում տարածքային կառավարման նախարար, փոխվարչապետ Հովիկ Աբրահամյանը հերթական շինարարությունն է իրականացնում: Տեղի բնակիչները պնդում են, որ նա լողավազան է կառուցում, ինչի համար ծառեր են հատվել:

Փորձեցինք այս կապակցությամբ պարզաբանումներ ստանալ փոխվարչապետից: Վերջինս մեր հարցին ի պատասխան, ուղղակի ասաց. «Եթե դա իմն է, նվեր եմ տալիս բնակիչներին: Ես դրա հետ կապ չունեմ»: