ԿԳՆ ՈՍԿԵ ՀՈՒՇԱՄԵԴԱԼՈՎ ՊԱՐԳԵՎԱՏՐՎԵՑ 11 ՈՒՍՈՒՑԻՉ

Այսօր ԿԳՆ-ում ուսուցչի տոնի կապակցությամբ փոխնախարար Արա Ավետիսյանը նախարարության ոսկե հուշամեդալով պարգևատրեց հանրապետության լավագույն 11 ուսուցիչներին: Նախարարության պատվոգրեր հանձնվեցին հանրապետության տարբեր մարզերի 17 ուսուցչի, իսկ շնորհակալագրեր` 8 ուսուցչի:

Ա. Ավետիսյանն իր խոսքում նշեց, որ մեր ապագան կերտող սերունդների դաստիարակության հարցում նրանց դերը շատ կարևոր է: «Յուրաքանչյուր ոք պետք է խոնհարվի իր ուսուցչի առջև»,- ասաց Ա. Ավետիսյանը: Ի դեպ, ոսկե հուշամեդալ ստացածների թվում էր նաև փոխնախարարի ուսուցիչը:

Նշենք, որ ուսուցչի տոնը մեր երկրում նշվում է յուրաքանչյուր հոկտեմբերի առաջին կիրակի օրը: