ԴՊՐՈՑՆԵՐՈՒՄ ԱՇՆԱՆԱՅԻՆ ԱՐՁԱԿՈՒՐԴԸ ԿՍԿՍՎԻ ՀՈԿՏԵՄԲԵՐԻ 29-ԻՆ

Այս տարի Հանրապետության բոլոր դպրոցներում աշնանային արձակուրդը սկսվելու է հոկտեմբերի 29-ին և տևելու է մինչև նոյեմբերի 4-ը: Այս մասին Panorama.am-ի թղթակիցը տեղեկացավ ԿԳՆ լրատվության բաժնի պետ Արթուր Բաղդասարյանից:
Նրա խոսքով, բոլոր դպրոցներն էլ կարող են ինքնուրույն սահմանել իրենց դպրոցի արձակուրդի ժամկետները`համաձայնեցնելով կրթության և գիտության նախարարության հետ: Արթուր Բաղդասարյանը նշեց, որ մինչ այժմ որևէ դպրոց աշնանային արձակուրդը հետաձգելու հայտ չի ներկայացրել:
Նշենք, որ անցյալ տարի դպրոցների աշնանային արձակուրդը միացվել էր ձմեռային արձակուրդներին: Աշակերտները դեկտեմբերի 24-ից հունվարի 6-ը հանգստանալու փոխարեն, հանգստացել են մինչև հունվարի 13-ը: