«ՋՈՆ ՔԵՆԵԴԻ»-ՈՒՄ ՄԵՐ ԵՐԿՐԻ ԴԵՍՊԱՆԸ ԴԱՍԱԽՈՍՈՒԹՅՈՒՆ Է ԿԱՐԴԱՑԵԼ

Արգենտինայում Հայաստանի դեսպան Վլադիմիր Կարմիրշալյանը արգենտինյան «Ջոն Քենեդի» համալսարանի ղեկավարության հրավերով հոկտեմբերի 22-ին հանդիպել է դասախոսների և ուսանողների հետ:
ԱԳՆ մամուլի և տեղեկատվության վարչության հաղորդմամբ, դասախոսության թեման «Հայաստանի արտաքին և տարածաշրջանային քաղաքականությունն» էր: Դահլիճում ներկա են եղել նաև արգենտինացի և օտարերկրյա դիվանագետներ, քաղաքական վերլուծաբաններ, գիտական շրջանակների ներկայացուցիչներ:
Դասախոսության ավարտին համալսարանի ուսանողները Հայաստանի պատմությանն ու ներկային վերաբերող բազմաթիվ հարցեր են ուղղել դեսպանին: Վլադիմիր Կարմիրշալյանը դեսպանության պատրաստակամությունն արտահայտեց օժանդակելու համալսարանի Հայագիտական ամբիոնին ուսումնասիրությունների խորացման գործում: