ՊԵՏԲՅՈՒՋԵԻՑ 4 ՄԼՆ ԴՐԱՄ Է ՀԱՏԿԱՑՎԵԼ «ԴԻՋԻԹԵՔ 2007»-Ի ԿԱԶՄԱԿԵՐՊՄԱՆ ՀԱՄԱՐ

Հայասատանի առևտրի և տնտեսական զարգացման նախարարությանը կառավարությունը 2007թ. իր պահուստային ֆոնդի հաշվին 4 մլն դրամ է հատկացրել «Ինֆորմացիոն տեխնոլոգիաների ձեռնարկությունների միություն» իրավաբանական անձանց միության «Դիջիթեք 2007» տեղեկատվական, հեռահաղորդակցման և բարձր տեխնոլոգիաների ցուցահանդեսի կազմակերպման նպատակով: Նման որոշում գործադիրը կայացրել է այսօրվա նիստում:

Ինչպես տեղեկացանք կառավարության տեղեկատվության և հասարակայնության հետ կապերի վարչությունից, հանձնարարվել է առևտրի և տնտեսական զարգացման նախարարին` հատկացված գումարը նվիրաբերության պայմանագրի հիման վրա տրամադրել «Ինֆորմացիոն տեխնոլոգիաների ձեռնարկությունների միություն» իրավաբանական անձանց միությանը: