ՈՒՍՈՒՄՆԱԿԱՆ ԳՐԱԿԱՆՈՒԹՅԱՆ ՀԱՅՏԵՐԸ ԸՆԴՈՒՆՎՈՒՄ ԵՆ ՄԻՉԵՎ ԴԵԿՏԵՄԲԵՐԻ 20-Ը

Հաջորդ տարի կրթության և գիտության նախարարությունը շարունակելու է արտասահմանյան երկրներում գործող հայերենի ուսուցմամբ դպրոցներին, մանկապարտեզներին, միօրյա և այլ տիպի ազգային և էթնոմշակութային բաղադրիչով կրթօջախներին ուսումնական գրականություն և այլ օժանդակ նյութեր տրամադրելու պետական ծրագիրը:

Ինչպես տեղեկացանք ԿԳՆ պաշտոնական կայքէջից, դասագրքերի ձեռքբերումն ու հատկացումն իրականացվում է հիմնականում ներկայացվող հայտերի հիման վրա: Արտերկրի հայկական կրթօջախները և համապատասխան կազմակերպություններինը 2008/2009 ուսումնական տարվա համար անհրաժեշտ ուսումնական գրականության և օժանդակ նյութերի հայտերը պետք է ներկայացնեն մինչև այս տարվա դեկտեմբերի 20-ը: