ՀԱՆՐԱՊԵՏԱԿԱՆ ՕԼԻՄՊԻԱԴԱՆ ԿՄԵԿՆԱՐԿԻ ՄԱՐՏԻ 21-ԻՆ

Մարտի 21-ին կմեկնարկի 2007-2008 ուստարվա դպրոցականների առարկայական օլիմպիադայի հանրապետական փուլը, որին կմասնակցեն նաև Արցախի և Ջավախքի դպրոցականները:

Ինչպես տեղեկացանք ԿԳՆ պաշտանական կայքէջից, կրթության և գիտության նախարարի հրամանով հաստատվել է 2007-2008 ուստարվա դպրոցականների առարկայական օլիպիադաների հանրապետական կազմկոմիտեի կազմը, առարկայական հանձնաժողովների նախագահների կազմը, մարզային, հանրապետական փուլերի ժամանակացույցը: Դպրոցականների առարկայական օլիմպիադաների հանրապետական կազմկոմիտեի նախագահ է նշանակվել կրթության և գիտության նախարարի տեղակալ Բագրատ Եսայանը:

Մարտի 1-ից Հայաստանի մարզերում կմեկնարկի 2007-2008 ուստարվա դպրոցականների առարկայական օլիմպիադաների երրորդ /մարզային/ փուլը: Մրցութային առաջադրանքները կազմել են հանրապետական առարկայական հանձնաժողովները: Նշենք, որ մինչև մարտի 13-ը կրթության և գիտության նախարարություն կներկայացվեն հանրապետական փուլի մասնակիցների և ղեկավարների անունները: