ԱԶԱՏՈՒԹՅԱՆ ՀՐԱՊԱՐԱԿՈՒՄ ՎՆԱՍՎԵԼ Է 31 ՔԱՂԱՔԱՑԻ, ՄԱՀԱՑՈՒ ԴԵՊՔ ՉԻ ԳՐԱՆՑՎԵԼ

Ազատության հրապարակում այսօրվա միջադեպի արդյունքում տուժել է 31 քաղաքացի, որոնցից 6-ը ոստիկան: Առողջապահության նախարարության հասարակայնության հետ կապերի բաժնից Panorama.am-ի թղթակցին տեղեկացրին, որ դեպքի վայրում տուժած 31 քաղաքացիները հիվանդանոց են տեղափոխել միջին մարմնական վնասվածքներով:
Նշենք, որ նրանց կյանքին վտանգ չի սպառնում, մահվան դեպքեր չկան: 31 տուժածներից հոսպիտալացվել են 10-ը, իսկ մնացածներին ցուցաբերվել է բժշկական օգնություն և ուղարկվել են տուն: