ՏՈՒԺԱԾՆԵՐԻՑ ԵՐԵՔԸ ԾԱՆՐ ՎԻՃԱԿՈՒՄ ԵՆ…

Մարտի 1-ին ու 2-ին մայրաքաղաքում տեղի ունեցած իրադարձությունների պատճառով տուժած և հիվանդանոց տեղափոխվածներից երեքը ծանր վիճակում են: Առողջապահության նախարարության հասարակայնության հետ կապերի բաժնի հաղորդման համաձայն, տուժածներից մեկը՝ ծայրահեղ ծանր վիճակում գտնվում է պրոֆ. Լ. Միքայելյանի անվան վիրաբուժության ինստիտուտում:

Ըստ նույն տեղեկատվության, մյուս երկուսը գտնվում են «Արմենիա» բժշկական կենտրոնում: Նշենք, որ մարտի 7-ի տվյալների համաձայն՝ 133 վիրավորվածներից տարբեր բժշկական կենտրոններում բուժումը շարունակում է 21 մարդ: