ԹՈՒՆԱՎՈՐՈՒՄՆԵՐ ՇՄՈԼ ԳԱԶԻՑ ԵՎ ԱՑԵՏՈՆԻՑ

Նախօրեի գիշերը փրկարար ծառայությունը տեղեկություն է ստացվել, որ շմոլ գազից թունավորումով Գյումրիի Ավստրիական մանկական հիվանդանոց են տեղափոխվել Շիրակացու փողոցի 61-րդ թաղամասի թիվ 15 շենքի 12-րդ բնակարանի բնակիչներ` 1973 թ. ծնված Գայանե Հարությունյանը, 1998 թ. ծնված Արթուր և 1999 թ. ծնված Գոհար Գասպարյանները: Ըստ բժիշկների` տուժածների վիճակը գնահատվում է բավարար:

Թունավորման ևս մեկ դեպք արձանագրվել է մարտի 21-ին: Եղեգնաձորի քաղաքային հիվանդանոց է տեղափոխվել նույն քաղաքի բնակիչ, 1994 թ. ծնված Արթուր Ջամալյանը, որը խմել էր ացետոն: Ըստ բժիշկների` տուժածի վիճակը գնահատվում է բավարար: