Ամենից շատ կարդացված նյութեր

11:17 13/05/2008

ՄՈՍԿՎԱՅՈՒՄ ԿԱՆՑԿԱՑՎԻ ՀԱՅԿԱԿԱՆ ՄՇԱԿՈՒՅԹԻ ԵՎ ԿՈՆՅԱԿԻ ՏՈՆ

«Արարատ երկրի գանձերը» խորագրով հայկական մշակույթի և կոնյակի տոն կանցկացվի Մոսկվայում մայիսի 17-ին: Ինչպես տեղեկացնում է Ռուսաստանում հայերի միության պաշտոնական կայքէջը, Ժողովուրդների բարեկամության հրապարակում, Համառուսաստանյան ցուցահանդեսային կենտրոնի կենտրոնական հրապարակում, «Արմենիա» տաղավարի դիմաց կկերտեն առասպելական Անի մայրաքաղաքը` 1001 եկեղեցիների և հայոց պատմության օրրան քաղաքը:

Տոնի ընթացքում կներկայացվեն հայկական խոհանոցի ավանդական ճաշատեսակներ և առասպելական «Արարատ» կոնյակը: Տեղի կունենա նաև տոնական համերգ, որի ընթացքում հանդես կգան ժամանակակից լավագույն երաժիշտները, իսկ հայտնեի fashion-դիզայներները, որոնք իրենց աշխատանքներում համատեղել են ավանդականն ու նորը,կներկայացնեն իրենց հավաքածուները:

Իսկ Ժողովուրդների բարեկամության հրապարակում պատերին և պլազմա էկրաներին կցուցադրվեն Անի քաղաքի տները և փողոցները: Տոնակատարությունը կավարտվի շքեղ հրավառությամբ:

Placeholder